16 қаңтарға қараған түні сағат 01:30-да су құбыры жарылып, 12, 13 және 15 қабатты 7 тұрғын үй жылусыз қалды.
«Түнде су құбыры жарылып, бәріміз апыл-ғұпыл киініп, далаға шықтық. Ауланы ыстық су басып кеткен. Жылу жүйелерінің мамандары келіп, жасады. Ал тұрғын үй кешеніне жауапты «Серт» мердігер компаниясы өтінішімізді тыңдаған да жоқ», — дейді тұрғын Салтанат Абуова.
Тұрғын үй кешені 2006 жылы пайдалануға берілген. Алайда, кешеннің әу бастан проблемасы шаш етектен болған. Тұрғындардың айтуынша, сапасыз құрылыстың ақаулары әлі күнге түзетіліп келеді.
«Түнде ыстық су құбыры жарылды. Жылу жүйелерінің мамандары ақауды қалпына келтірді. Ыстық су құбыры жасалып, таңғы сағат 9:30 шамасында тұрғын үйлерге жылу мен ыстық су берілді», — деп хабарлады қалалық әкімдіктің баспасөз қызметі.
Айта кетейік, бұл тұрғын үй кешенінде 300-ден астам адам тұрады.
