Полиция қызметкерлерінің мәліметінше, 45 жастағы тұрғынды ұстау операциясына Ұлттық Ұлан сарбаздары мен кинологтар тартылған. Ол Талдықорған қаласындағы «Болашақ» шағын ауданында орналасқан пәтерін есірткі саудалайтын орынға айналдырған. Ер адам шамамен 14 грамм марихуананы сату кезінде ұсталды.
Сондай-ақ күдіктінің тұрғылықты жерінен синтетикалық есірткіге жататын 83 грамм «Пирролидин» табылды. Бұған қоса тінту кезінде полицейлер атыс және травматикалық қарудың оқ-дәрілерін тапты.
Аталған дерекке қатысты қылмыстық тергеу амалдары басталды. Ұсталған адам қамауға алынды.
