Қазақстан теннис федерациясынан мәлім еткендей, Айя Нұпбай мен Асылжан Арыстанбекова 18 жасқа дейінгі жасөспірімдердің арасында еліміздегі ең табысты жұп болып саналады.
Олар финалда таилық дуэтті 6:3, 6:2 есебімен ұтты.
«Бұл — Айя екеуміздің оныншы титулымыз. Жаңа маусым басындағы табыс тың жетістіктерге жетелейді, күш береді. Федерация мен Team Kazakhstan академиясының барлық бапкерлеріне алғыс айтамыз», — деді Асылжан Арыстанбекова.
Өткен жылы қазақстандық жұп ITF Juniors сериясында жеті турнирде үздік шыққан болатын. Олар осымен барлығы 10 титулға қол жеткізді.
«Жыл басында жеңіске жеткен маңызды. Қазіргі деңгейіме ризамын, бұдан кейін де бабымда боламын деп ойлаймын. Асылжанға рахмет, додада қиын матчтар болды. Біз содан сәтімен шыға білдік», — деді Айя Нұпбай.
