Төтенше жағдайлар министрлігі баспасөз қызметінің мәліметінше, 12 қаңтарда Түркістан облысы ТЖД кезекші-диспетчерлік қызметінің пультіне Сайрам ауданы, Манкент ауылында 3 адамның улы газдан уланғаны туралы ақпарат келіп түскен.
Оқиға орнына жеткен құтқарушылар үй ішінде өрт болмағанын анықтады. Үйде қатты отынмен жылыту пешін пайдалану қағидаларын бұзғандықтан, пештің мұржасы тазартылмағандықтан, 1995, 1974 және 2004 жылы туған үш адамға ыс тиген. Барлығы – Өзбекстан азаматтары. Қазір екі азамат ауруханаға жатқызылды, жағдайлары ауыр. Ал 2004 жылғы туған жасөспірім оқиға орнында қайтыс болды.
