Instagram-дағы taldykorganec.insta_ парақшасында жарылыс орнынан түсірілген видео жарияланды.
«Талдықорғандағы 2-шағын ауданда жылу қазандығы жарылды», – делінген видеода.
Кадрларда терезелері қираған ғимаратты көруге болады.
Қала әкімдігінің қазандықтың жарылуына байланысты түсініктеме беріп үлгерді.
«Қазандық бір сағатта қалпына келеді. Оның резерві бар», – деп хабарланды.
Қала әкімінің баспасөз хатшысы Мәди Шакеновтың айтуынша, жарылыстың кесірінен 280 абонент жылусыз қалды. Оқиға қаладағы 2-шағын ауданда орналасқан N1 жылу қазандығында болған.
«280 абонент жылусыз қалды. Оның ішінде жеке және көпқабатты үйлер, бизнес нысандары — бәрі бар. Жарты сағатта резервте тұрған қазандық іске қосылады», – деді ол.
Қазір Талдықорғанда ауа температурасы -11 градус аязды көрсетіп тұр.
