Полицияның айтуынша, бейнежазба 9 қаңтарда Талдықорған қаласының «Самал» ш/а пәтерлерінің бірінде түсірілген. Адамның жеке басына зиян келтіргендердің барлығы анықталып, әрқайсысынан жауап алынды. Олар облыс орталығы мен Қаратал ауданының түрлі оқу орындарында оқитын кәмелетке толмағандар. Жанжалдың себебі анықталып жатыр.
«Жәбірленуші қыз өз өкілімен (әжесімен) бірге полицияға ресми өтініш беруден бас тартты. Соған қарамастан, іс жүзінде әкімшілік құқық бұзушылық туралы кодекстің 73-1-бабымен, яғни денсаулыққа қасақана жеңіл зиян келтіру бойынша іс қозғалды», — деп мәлімдеді Жетісу облыстық ПД баспасөз қызметі.
Сонымен қатар ұрып-соққан күдіктілерге катысты материалдар әкімдік жанындағы кәмелетке толмағандардың құқықтарын қорғау жөніндегі Комиссияның қарастыруына жолданды
