Шамалған тұрғындарын мазалаған басты мәселе – газдың сапасы мен құны. Олардың айтуынша, ауылға газ тарату дұрыс жолға қойылмаған – техникалық ақаулықтардың салдарынан жыл сайын көгілдір отын тұрақты берілмейді. Тұрғындар қыста үйді жылыту мүмкін емес деп отыр.
«Сигма компаниясы соңғы екі жылда он теңгеге қымбаттатты. Газ қысымы өте төмен болды. Аязды күндері төрт күн жылусыз қалдық. Газды тоқтатып тастады. «Сигма» компаниясының қызмет сапасы төмен», — дейді тұрғындар.
Оның үстіне газ жеткізетін «Сигма» компаниясы жылу тарифін соңғы екі жылда екі рет қымбаттатқан.
«Өткен айда газ есептегіш құрал 50-де тұрды. Сол күйі өзгерткен жоқпын. Бұл айда да есептеуіш құралды 50-ге қойдық. Бірақ, осы айда он мың теңгеге төлемақы артық келді», — дейді Құралай Бердіоңғарова.
Сонымен қатар тұрғындар бір ауданның әр ауылы үшін газ тарифтерінің неліктен әртүрлі екенін түсінбейді. Мәселен, бір Қарасай ауданында үш газ компания бар. «Сигма» — солардың бірі, газды Ресейден тасымалдайды. Шамалған ауылының тұрғындары бір куб газдың бағасы — 35 теңгеге сатып алады. Ал, өзге ауылдарда газдың кубы 26-28 теңге.
Соңғы күндері Алматы облысында ауа райы күрт бұзылған күндері Қарасай ауданында бірнеше ауыл жылусыз қалған – газ құбырларында су қатып, істен шыққан. Суықта үйде жылына алмаған тұрғындар шыдамымыз таусылды деп отыр. Әкімдік қызметкерлерінің айтуынша, компания газ құбырларын тексермеген. Ереуілге келген аудан әкімі ауыл тұрғындарына компанияны тексеру туралы ұсыныс айтты.
«ҚР ішкі нарығында тауарлық газды көтерме саудада өткізудің шекті бағаларын бекіту туралы» Энергетика министрлігінің 172 бұйрығына сілтеме жасай отырып, газ жеткізуші тарифті көтерген. Бұл ретте монополияға қарсы ведомствомен келісім тек тасымалдау үшін алынды. Осы фактіні ескере отырып, тұрғындармен жиын барысында аудан әкімдігі, аудан прокуратурасы, Алматы облысы бойынша табиғи монополиялар департаменті және «Сигма Газ» ЖШС тарифінің және қосылу тарифтерінің қымбаттауын тексеру үшін қоғамдық өкілдерден тұратын жұмыс комиссиясын құру туралы шешім қабылданды. 25 қаңтарға дейін комиссия атқарылған жұмыс туралы есеп береді», — деді аудан әкімдігі.
Айта кетейік, ауылдағы табиғи газ үшін тариф 34,75 тг/м3, салыстырмалы түрде Қаскелең қаласындағы газ үшін тариф 26,89 тг/м3 құрайды. Желтоқсан айында газ тұтыну сомасы 1,5-2 есе өсті.
«Алматыгазсервис-Холдинг» АҚ халық үшін табиғи газ тарифі текше метріне 26-27 теңгені құраса, «Сигма Газ» ЖШС-де-34 теңге 75 тиын. «Сигма» Қарасай ауданы бойынша жүйені Шамалған, Жандосов, Шалқар, Қайрат, Еңбекші, Құмарал, Үштерек және Арай, Дархан саяжайларын көгілдір отынмен қамтамасыз етеді. Абоненттердің жалпы саны — 9906.
Посмотреть эту публикацию в Instagram
