Басқарма басшысының міндетін атқарушы Азамат Құрымбаевтың айтуынша, Әкімшілік құқықбұзушылық кодексте ұсақ бұзақылық үшін айыппұлдың көлемі артты. Қамауға алу мерзімі де ұзартылып отыр.
«Қазіргі кезде мұндай құқықбұзушылық үшін соттың шешімімен 5 АЕК (17 250 теңге) көлеміндегі айыппұл немесе 15 тәулікке қамауға алу жазасы қолданылады. Ал жаңа редакция бойынша айыппұл 20 АЕК (69 000 теңге), ал қамауға алу мерзімі 5 тәуліктен 30 тәулікке дейін болады», — деді Құрымбаев ішкі істер министрлігінде өткен брифингте.
Осы өзгерістер наурыздың басында күшіне енеді. Жаңа редакцияланған құжатта ұсақ бұзақылыққа қоғамдық жерде балағат сөз айту, жеке тұлғаларға тиісу, ғимараттарды және басқа да құрылыс нысандарын, қоғамдық орындарды, тұрғын үйлерді, көліктегі мүлікті қирату және тағы басқа қоғамдық тәртіпті бұзатын әрекеттер жатады.
