«Жолаушылар легінің артуына байланысты қызмет көрсетуші «BAS TRADE» ЖШС №225 қоғамдық көлікке қосымша 5 автобус сатып алды. Бұлар қаңтардың 4-нен бастап қолданысқа берілді. Осы уақытқа дейін ауданның Көктөбе ауылынан Алматы қаласындағы «Саяхат» аялдамасына 18 автобус қатынайтын. Жаңа автобустардың қосылуына байланысты интервал уақыты 12 минуттан 8 минутқа қысқарды», — деді Бейбіт Искаков.
ТҮКШ бөлімі басшысының айтуынша, №225 автобус күніне 8 000-10 000 адамды тасымалдайды. Жолаушылардың басым бөлігі – студенттер. Ал мектеп оқушыларын арнайы қоғамдық көліктер тасымалдайды.
«Қазіргі таңда тұрғындар тарапынан Көктөбе 2, Түрген, Қаракемер, Есікті қамтитын қоғамдық көлік бағытын ашу туралы ұсыныстар түсіп жатыр. Алматы қаласынан 50 шақырым радиустағы елді мекендерді қоғамдық көлікпен қала басшылығы қамтамасыз ететіндіктен, бұл әзірше, мүмкін болмай тұр. Алыс-жақын елді мекендерді автобуспен қамту мақсатында облыста коммуналды автопарк құрылып жатыр. Тұрғындар ұсынысының шешімі автопарк өз жұмысына кіріскен соң шығарылады», — деді бөлім басшысы.
Сонымен қатар ол Есік-Қонаев бағытында автобус жүргізу мәселесі де қаралып жатқанын айтты.
