Оқушы Алматы облысында оқып жүрген жерінен жақында ғана ауыл мектебіне ауысқан.
Жас жұбайлар беташар рәсімін де жасап үлгерген. Облыстық білім басқармасы қыз баланың Саудакент ауылындағы мектептердің бірінде 9-сыныпты бітіргенін айтты.
Бұл оқиғаға қатысты облыста кәмелетке толмағандардың некеге тұру фактісі бойынша комиссия құрылған.
«Комиссия құрылды, оның шешімі бойынша толық ақпарат жарияланады. Ата-аналарға қатысты материалдар балалар мен жасөспірімдердің құқықтарын қорғау жөніндегі комиссияға жіберілетін болады», — деп хабарлады облыстық білім басқармасының баспасөз қызметі.
Оқушыларды мұндай қадамға баруға итермелеген махаббат па, әлде басқа жағдай ма, әзірге белгісіз.
