Бұл «Крис-П» фоторадарлық кешендерінің, сондай-ақ квадрокоптер-дрондардың техникалық мүмкіндіктерін пайдалана отырып, жол ережесін өрескел бұзатындарды (қарсы қозғалыс жолағына шығу, тыйым салынған басып озу) анықтауға бағытталған шара. «Крис-П» кешендері тек қала аумағынан тыс жерде (5-тен 14 км-ге дейін) пайдаланылады.
Шара барысында басымдылық көлік ағыны көп көшелерге беріледі. Мысалы, «Талдықорған-Үштөбе» автожолында соңғы бірнеше күнде кісі өліміне әкелген екі жол апаты тіркелген. Жол көлік оқиғасы салдарынан 4 адам қаза тауып, 3 адам жарақат алған.
«Жол көлік апаттарының көбі жүргізушілердің жылдамдықты асыруы мен жол белгілерін сақтамауынан болатыны анықталды», — деді Талдықорған қаласы ПБ командирі Руслан Пірімжанов.
