Жөтел сиропынан кейін бала жансақтау бөліміне жеткізілді. Өзбекстан Ұлттық ақпарат агенттігінің хабарлауынша, 2019 жылы туған бала ауруханаға түскен. Оған «Док-1 Макс» сиропы шамадан аса берілген. Баланың анасы дәрігердің рұқсатынсыз дәріханадан сироп сатып алып, оған 4 күн бойы 5 мл 10 рет берген.
2022 жылдың 27 желтоқсанында Самарқандта 18 баланың өлімі расталды. Олардың барлығы аталған препаратты қабылдағаннан кейін қайтыс болды. Одан кейін 31 желтоқсанда тағы 10 бала үнділік препараттарды қабылдап, ауруханаға түскен.
Оқиғадан кейін елдің Денсаулық сақтау министрлігі тексерулер мен зерттеулерді бастады. «Док-1 Maкс» сиропынан этиленгликоль табылды. Ол дұрыс қабылданбаған жағдайда денсаулыққа проблема әкелуі мүмкін.
Тәжікстанда сиропты сатуға тыйым салынды.
https://www.alataunews.kz/qogam/oezbekstanda-dok-1-maks-preparatyna-bajlanysty-qylmystyq-is-qozghaldy/
