Тың әдіс облыстық кардиология орталығының базасында жасалды. Шеберлік сабақ аясында алты адамның жүрек қағысы қалпына келтірілді.
Медициналық соңғы үлгідегі жабдықты отандық компанияның бірі тарту еткен. Құрылғы жүрек картасын көрсетіп, ырғақтың бұзылуына ықпал ететін тұсын дәл анықтауға мүмкіндік береді. Оның қыр-сырын отандық дәрігерлерге Түркиядан келген ақ халаттылар үйретіп жатыр.
«Мамандарымыз шет елден біліктілігін арттырып қайтты. Алған білімі мен тәжірибесін халықты емдеуге жұмсайды. Емдеудің сапасы жақсарады. Жылына шамамен 100 ота жасауды жоспарлап отырмыз», – деді облыстық кардиология орталығының директоры Нұрсан Сейітұлы.
Айта кету керек, инсульттің 30%-ы кардиогендік аурудан себеп болады. Оның бірі – Аритмия. Ал кардиологтардың мәліметінше, бір ғана Жетісу облысында 60 мыңға жуық адам диспансерлік есепке алынған.
