Тағдыр тәлкегімен темір торға түсіп, өз жазаларын өтеп жүрген сотталған азаматтардың да кәсіптік білім алуларына мемлекет тарапынан жағдайлар жасалған.
Мәселен, облысқа қарасты ЛА-155/14 мекемесінде орналасқан Заречный ауылының «Кәсіптік колледж» білім ордасынан биыл сотталған 77 студент диплом алды.
«Жаза мерзімін өтеп болғаннан кейін сотталғандар бостандыққа белгілі бір маман иесі болып шығады. Қоғамнан орнын тауып, мамандығы бойынша жұмысқа тұра алады», – дейді мекеме бастығы, әділет капитаны Ұлан Арғынбаев.
Диплом алған жазасын өтеушілер электргазбен дәнекерлеуші, автокөлік жөндеу шебері, сандық ақпараттарды өңдеу операторы, тігінші мамандықтарына ие болды.
