«Қымбатшылық салдарынан халықтың экономикалық жағдайы қолайсыздыққа ұшырады. Сервис қазақстандықтар арасында сауалнама жүргізгенде отандастарымыздың жартысынан көбі биыл тұрмыстық техниканы сатып алмағаны анықталған. Қазақстандықтар жаңа техника сатып алуға қауқарлары жоқ, керісінше ескі мүліктерін жөндеуге мәжбүр болуы мүмкін», — деп хабарлады OLX компаниясының баспасөз қызметі.
Жалпы тұрмыстық техникаларды жөндеу туралы сұраныстар бойынша көш бастап тұрған қалалар Алматы, Нұр-Сұлтан және Қарағанды. Ал Талдықорғанда бұндай қызметке қызығушылық аз. Тұрмыстық техниканы жөндеу туралы барлық хабарландырулардың 80%-дан астамын Алматыдан табуға болады.
Айта кету керек, Қазақстанда жөндеу жұмыстарының орташа бағасы 5600 теңгені құрайды. Орташа құны өткен жылмен салыстырғанда екі есеге өсті.
Ең танымал техникалардың ішінде тоңазытқыштар, кір жуғыш машиналар, тігін машиналары және шаңсорғыштар бар.
