Синоптиктердің болжамынша, Қазақстан аумағының басым бөлігінде атмосфералық ағымдардың өтуінен ауа райы құбылмалы болады, қар жауады.
Тек еліміздің батысы, оңтүстігі мен орталығында күн ашық болады деп болжанып отыр.
Республиканың солтүстік-батысында, солтүстігінде, шығысында бұрқасындатып, жел күшейеді, оңтүстік және оңтүстік-шығыста тұман түседі.
Батыс Қазақстанда ауа температурасы түнде -7-20 градустан -5-15 градусқа дейін, солтүстік-батыста -18-30 градустан -12-22 градусқа дейін, солтүстікте -17-30 градустан -10-26 градусқа дейін, орталықта -20-30 градустан -18-28 градусқа дейін, еліміздің шығысында -15-35 градустан -12-25 градусқа дейін, оңтүстікте -10-30 градустан -7-20 градусқа дейін жоғарылайды.
Елдің оңтүстік-шығысында түнде -12-25 градус аяз болады.
