Келтірген деректері бойынша, өткен аптада Алматы қаласында ЖРВИ, тұмау ауруларының 23 995 жағдайы тіркелді, 100 мың тұрғынға шаққандағы көрсеткіші- 1121,81-і құрайды, бұл өткен жылдың осы кезеңімен салыстырғанда 39,5% пайызға (33470 жағдай) төмен. Науқастардың 65,7%-ы балалар.
«Тұмаумен сырқаттанудың 110 жағдайы тіркелді, оның ішінде «В» түрімен — 109 жағдай және «А» түріммен (H3N2) — 1 жағдай, барлық науқастар ем қабылдады, жағдайлары қанағаттанарлық», — деп атап өтті Әсел Қалықова.
Спикер вакцинацияның халықты тұмау вирусын жұқтырудан қорғап қана қоймай, асқынулар мен өлім-жітім деңгейін айтарлықтай төмендетуге көмектесетінін еске салды. 2022 жылғы 30 қарашадағы жағдай бойынша тұмауға қарсы 223 349 адам егілді, оның ішінде 210 000 адам «қатер тобына» (100%) жатады.
Сондай-ақ, ол жеке меншік медициналық орталықтарда өз қалтасынан төлеп, екпе алғысы келген басқа тұрғындарға және әртүрлі салаларда еңбек ететіндерге жұмыс беруші есебінен тұмауға қарсы екпе салынып жатыр. Қала бойынша 9698 адам жұмыс берушілер есебінен екпе алса, 3651 адам өз қаржысына вакцина салдырды.
