«Алматы мамандандырылған ауданаралық тергеу сотының 2022 жылғы 6 желтоқсандағы ақпараты бойынша, сот қаулысымен тергеу органдарының Арман Жұмагелдиевке қатысты қамауда ұстау мерзімін 2023 жылдың 7 қаңтарына дейін ұзартуға санкция беру туралы өтініші қанағаттандырылды», – деп хабарлады Алматы қалалық соттың баспасөз қызметі.
Еске салайық, 7 қаңтарда Алматыда полицейлер «Дикий Арман» лақап атымен танылған Арман Жұмагелдиевті ұстаған болатын. Оған заңсыз қару сақтады және жаппай тәртіпсіздік ұйымдастырды деген айып тағылды.
Кейін ҚР Бас прокуратурасы «Дикий Арманың» Ұлттық қауіпсіздік қызметінің тергеу изоляторында отырғанын жеткізді.
