Оның ішінде «Ai-energy Group» ЖШС де бар. Бұл компания Еңбекшіқазақ ауданы Шелек ауылында қуаттылығы 531 Вт/м2 болатын ЖЭС салуға ниеттеніп отыр.
«Аталған ауданда 49 жылға жалға алған жеріміз бар. Бұған дейін мұнда бірнеше жел электр стансалары салынды. Енді біз де заманауи электр стансасының жобасын жасап қойдық. Серіктесіміз «Power China» атты қытайлық компания. Олар 788 млн доллар инвестиция құяды. Бізге өз еліміздің қолдау көрсету шарасын білсек болғаны», — деді компания басшысы Ержан Абдиев.
Сондай-ақ серіктестік тағы 2 жоба ұсынды.
«250 гектар жерге дақылдар егіп, оны тамшыландыру әдісімен суаруды қолға алғалы отырмыз. Бұл жоба бұрын-соңды Қазақстанда жасалмаған теңдессіз проект болмақ», — деді Ержан Абдиев.
Ал екінші жоба — сүт өнімдерін шығаратын зауыт.
«Еңбекшіқазақ ауданында Кеңес заманы кезінде жұмыс жасаған зауыттың қаңқасы бар. Сол жерді қайта қалпына келтіріп жатырмыз. Құрылыстың 70 пайызы аяқталды», — деді компания басшысы.
Арслан Дандыбаев болса мемлекет тарапынан көмек көрсетілетінін, жақында кәсіпкерлер мен аталған салаға жауапты министрліктермен форум болатынын айтып, сол кездесуге компания өкілдерін шақырды.
