Аталған жиында серіктестік мамандары жылыжай салу туралы жобаларын таныстырды.
«Негізгі жұмысымыз Маңғыстауда орналасқан. Ол жақта біз халыққа қызмет көрсету саласында қызмет етеміз. Алматы облысына келер болсақ, компанияның Еңбекшіқазақ ауданы Бәйтерек ауылында 19 гектар жері бар. Сол үлкен аумақтың 1/3 бөлігіне жылыжай салмақ ниеттеміз», — деді серіктестік басшысы Данияр Исаев.
Оның айтуынша, жылыжайда қызанақ және қияр өсірілетін болады. Өнімнің 55%-ы Алматы облысы және Алматы қаласына жөнелтіледі. Өндіріс ошағының қуаттылығы орта есеппен жылына 1250 тонна өнім беруге жеткілікті.
«Терімшілік уақытында 200 адамды жұмыспен қамтуды жоспарлап отырмыз. Қазіргі таңда компания 19 гектар жерді кепілдікке қою арқылы лизинг бағдарламасы бойынша қаржыландыруды қажет етеді», — деді компания басшысы.
Облыс әкімінің орынбасары Арслан Дандыбаев болса әкімдік тарапынан қолдау көрсетілетінін айтты.
«Бизнес жоспар дайын болса,барлық қажетті құжаттарды реттей беру керек. Мемлекет 2023 жылы қаржы бөледі. Сол уақытқа сақадай сай болу қажет», — деді Арслан Дандыбаев.
Посмотреть эту публикацию в Instagram
