Өткен түні орталық магистральдан үйлерге жылу тарататын ішкі желі қатып қалды.
«Бүгін 29 қараша таңғы уақытта істен шыққан желідегі ақау салдарынан тағы 25 үй жылудан ажыратылды. Одан басқа 149 жеке меншік үйде осындай жағдай қалыптасқан. Бірақ олардың 59-ы жылуға қайта қосылды», — дейді Павлодар облысы әкімінің орынбасары Олег Круг.
Кеше кешкісін Екібастұзға еліміздің қалаларынан 23 бригада көмекке келді. Слесарь, сантехник, дәнекерлеушілер тәулігіне 18 сағатқа дейін жұмыс істеп жатыр.
Жылудан ажыратылған үйлер тоқ пештермен жылытылады. Құбырлар қатып қалмас үшін іштегі суын ағызып тастаған. Ауыз су арнайы көліктермен жеткізіледі.
Қазір қаланың 8 жерінде жылыну пунктері ашылды.
Сонымен қатар апаттан зардап шеккен тұрғындарға өтемақы төленеді. Бүгін өтініштерді қабылдау басталып кетті.
Посмотреть эту публикацию в Instagram
