Polisia.kz жазған ақпаратқа сай, қоңырау жалған болып шықты. Саперлер қызметтік-іздестіру иттерімен тінтіп, ғимарат ішінен ешқандай жарылғыш құрылғы таппады.
Жедел іс-шаралар барысында полицейлер сол күні 44 жастағы жергілікті тұрғынды ұстады.
Мас күйінде қоңырау шалған ер адам қалалық полицияға жеткізілді.
Іс жүзінде ҚР ҚК-нің 273-бабында (Терроризм актiсi туралы көрiнеу жалған хабарлау) көзделген тергеу амалдары жүрді.
Нәтижесінде Талдықорған қалалық сотының үкімімен күдікті тұлға кінәлі деп танылып, 2 жылға бас бостандығын шектеу, сондай-ақ жазасын өтеу мерзімі кезінде 100 сағатқа мәжбүрлеу жұмыстарына сотталды.
