«Расында, елімізде цифрлық даму жоғары деңгейде жүріп жатыр. Мүмкін кейін халыққа қызмет көрсету орталықтарының қажеттілігі болмай қалатын шығар. Бірақ Қазақстанда ХҚКО жұмысы толық тоқтатылады деп мен айта алмаймын. Мемлекеттік қызметті алу да күн сайын өзгеріске ұшырап, алға бір қадам жылжып отыратын жүйе. Халықтың қажеттілігіне байланысты қызмет көрсетудің түрлері де жаңарып келеді», — деді министр Қанат Мусин.
Оның айтуынша, цифрлы құжатқа қарағанда қағаз құжатқа сенім артатын тұрғындар көп.
«Біз барда, халық барда тұрғындардың қызмет алатын жері болуы керек. ХҚКО форматы өзгергенімен, мұндай орталықтар қажеттілігі ешқашан жоғалмайды», — деді министр.
Айта кетейік, осыдан 4 күн бұрын БАҚ-да ХҚКО өз жұмысын тоқтатуы мүмкін деген ақпарат тарады.
