«Облыс прокуратурасы биыл дәл осындай 310,5 мың га жайылымдық алқаптарды анықтады. Жалпы 2019-2021 жж және ағымдағы жылдың 6 айында барлығы 3,25 млн.га пайдаланылмайтын жайылымдар бары белгілі болды», — делінген облыстық прокуратураның инстаграм парақшасында.
Соңғы үш жарым жылда барлығы 360,7 мың га жайылым қайтарылып, 1,31 млн.га жайылым ауылшаруашылығы айналымына енгізілді (яғни иелері оларды пайдалана бастады).
Осылайша, жүргізілген жұмыс нәтижесінде пайдаланылмайтын жайылымдық жерлердің алаңы 3,2 млн.га-дан 1,75 млн. га-ға дейін азайды,осы бағыттағы жұмыстар әлі жүріп жатыр.
Олқылықтарға орын берген 49 жауапты маман тәртіптік жауапқа тартылды. Ал заңсыз берілген ауданы 15,9 мың гектар жайылым мемлекет меншігіне қайтарылды.
Мемлекет басшысының халықтың қажетін қамтамасыз ету жөніндегі тапсырмасы аясында мал жайылымына қажетті барлығы 1,18 млн.га жер бекітіп берді.
Ал жеке аулалардағы төрт түлік мал үшін тағы 1,7 млн.га жайылымдық алқаптарды бекіту қажет, осы мақсатта прокуратура органдары жұмыстарын жалғастырады.
