Олар Қазақстанның әкімшілік құқық бұзушылық туралы Кодексінің 434-бабының 1-бөлігі бойынша (ұсақ бұзақылық, қоғамдық орындарда балағат сөздер айту) айыпталды, деп хабарлады соттың баспасөз қызметі.
Сотта ағымдағы жылдың 21 қарашасында кешкі сағат 21.00 шамасында бес азамат Райымбек кентінің жанындағы Алматы-Бішкек республикалық тас жолында көкпар (ат ойыны) ұйымдастырып, айналасындағыларға құрметсіздік білдіріп, қоғамдық тәртіп пен жеке тұлғалардың тыныштығын бұзғаны анықталды.
Сотта қылмыскерлер кінәні толық мойындады, жасаған ісіне өкініп, барлық жәбірленушілерден кешірім сұрады және қатаң жаза қолданбауды сұрады.
Барлық құқық бұзушылардың кінәсі іс бойынша жиналған материалдармен дәлелденді. Сот процеске қатысушылардың түсіндірмелерін тыңдап, іс материалдарын зерттеп, мынандай қорытындыға келді.
Сот қаулысымен олар ӘҚБтК-нің 434-бабының 1-бөлігінде көзделген әкімшілік құқық бұзушылық жасағаны үшін кінәлі деп танылды және олардың әрқайсысына 10 тәулік мерзімге әкімшілік қамаққа алу түрінде әкімшілік жаза тағайындалды.
Сот қаулысы заңды күшіне енген жоқ.
