Адам тұрмақ көлік батқан лай судан мезі болған Гүлдала ауылының тұрғындары әлеуметтік желіде видео жариялады. Олардың айтуынша, күре жолға апаратын жалғыз жол жауын суына толып, ары-бері жүру мүмкін болмай қалған.
«Гүлдала ауылындағы су алып кеткен орындарға техника апарылып, жауын суы сорылып жатыр. Қазір қажетті жұмыстар істеліп жатыр. Ауыл әкімі сол жерде», — деді аудан әкімі баспасөз хатшысы Қуаныш Жұманғазыұлы.
Үш күн бойы толассыз жауған жаңбырдан Алматы облысының кейбір аумағын су басты. Айтып келмейтін табиғаттың тосын мінезі әлі біраз әбігерге салар түрі бар.
