Ауа райының күрт өзгеруі жол қызметтері мен жүргізушілерге қиындық туғызып отыр.
Түнде екі өңір бойынша 65 арнайы техника кезекшілік пен қысқы күтіп ұстау жұмыстарын атқарды.
«Жолдағы ахуал тәулік бойы бақылауға алынды. Жолшылар республикалық тасжолда қалған көлік иелері мен жолаушыларға көмек көрсете бастады», — деп хабарлады «ҚазАвтоЖол» компаниясынан.
Еске салайық, мұның алдында «Алматы — Өскемен» жолында тіркемелі жүк көліктерінің қозғалысына тыйым салынған еді.
Алтынемел асуында көліктің барлық түріне жол жабылып, республикалық маңызы бар «Сарыөзек-Көктал» автожолында шектеу енгізілді.
