Облыста дауыс беруге құқығы бар 944 мыңнан астам сайлаушы бар. Қазақстан бойынша сайлау учаскелерінің көпшілігі жабылды.
Тек Батыс Қазақстан, Ақтөбе, Атырау, Маңғыстау және Қызылорда облыстарында (оның ішінде Байқоңыр қаласында) учаскелер Астана уақыты бойынша 21.00-де (жергілікті уақыт бойынша 20.00-де) жабылады.
Орталық сайлау комиссиясының мәліметінше, елімізде он мыңнан астам сайлау учаскесі ашылған.
Айта кетейік, президенттікке сайлануға алты үміткер қатысты:
«Халық коалициясынан» қазіргі Мемлекет басшысы Қасым-Жомарт Тоқаев;
«Аманат» Қазақстан кәсіподақтары достастығынан экономист Мейрам Қажыкен;
«Ауыл» халықтық-демократиялық патриоттық партиясынан Жигули Дайрабаев;
«Кәсіби әлеуметтік қызметкерлердің ұлттық альянсы» республикалық қоғамдық бірлестігінен Қарақат Әбден;
«Қазақ аналары – дәстүрге жол» республикалық қоғамдық бірлестігінен Салтанат Тұрсынбекова;
оппозициялық Жалпыұлттық социал-демократиялық партияның елордалық филиалының жетекшісі Нұрлан Әуесбаев.
Биылғы жылы дауыс беру бюллетеніне «бәріне қарсымын» тармағы қосылды.
ОСК мәліметтері бойынша, елде 11 950 485 адам сайлау құқығына ие. Резервті ескере отырып, 12 069 990 сайлау бюллетені дайындалды. 641 халықаралық бақылаушы сайлау процесіне мониторинг жүргізді, оның ішінде 10 халықаралық ұйымнан 532 бақылаушы және 35 шет мемлекеттен 109 бақылаушы.
