Жарыста 7 отбасы бақ сынасты. Олар белгіленген 1,5 км жолды жүгіріп өту барысында қызықты жайттарға тап болды. Мәселен, кейбір жұптар әйелдерін арқаға отырғызып межелі жерге жеткен. Алғашқы болып Жасұлан Берекетұлы мен Гүлдана Төлегенова отбасылары шықты.
Екінші айналымда 9-13 жас аралығындағы балалар 800 м қашықтықты жүгіріп өтті. Сонымен қатар, 4-6 жас арлығындағы бүлдіршіндер арасында самокатпен жарыс және 7-8 жастағы балалар велосипедпен жарысты.
Барлық қатысушылар жас санаттары бойынша бөлініп, әр сайыста үш бала өнер көрсеткен. Мәреге бірінші болып келген адам финалға өтіп, басқа жарыс жеңімпаздарымен сайысқа түседі.
Кезеңдер арасында балаларға арналған көңілді жаттығулар өтті. Өрмекші адам, Дедпул, Веном, Алдар көсе және Қыз жібек балаларды ойнатып, көңілді уақыт өткізді.
Шараның ең қызықты сәті нәрестелер арасындағы еңбектеу жарысы, онда Әмірқажы Мәриям 7 секунд ішінде жеңіске жетті.
