Өңірге белгілі азаматтар Ұлы Отан соғысының батыры Есмұрат Сиқымов пен ҚР ҰҒА академигі, көрнекті ғалым Жүрімбек Сыдықовтың 100 жылдық мерейтойына орай ескерткіштер орнатылды.
«Ескерткіш тұрғаннан кейін қасынан өтіп бара жатқан оқушылар тұлғаларды көріп ойланады. Біреуі «Кеңес одағының батыры» десе, енді бірі «біздің ауданнан, осы жақтан шыққан профессорымыз, академигіміз деп мақтан тұтады», – деді меценат Молдияр Нұрбаев.
Осы орайда атап өтсек Есмұрат Сиқымов майдан даласында жиырма бір жасында ерлікпен қаза тапқан. Есмұрат қиян-кескі ұрыста көзсіз ерлікке барып, жау қолын Кеңес Үкіметіне өткізбей, екі сағат жалғыз өзі шабуылға тойтарыс беріп, көз жұмған шаһид.
Ал Жүрімбек Сыдықов болса, соғыстан мүгедек болып оралып, ғылым саласында үлкен жетістікке жеткен зейінді зерек тұлға. Геология-минералогия ғылымының докторы көп жылдар бойы Орталық, Батыс, Оңтүстік аймағында жер асты суларын іздеп, барлау жұмыстарымен айналысқан.
«Ұлы адамдар ескерткіштерінің тұғырын өздері орнатады, мүсінін болашақ соғады» деген. Сондықтан ел ағалары халық үшін қызмет еткен тұлғаларды кейінгі ұрпақ жадында сақтап, тағзым ету керек деп санайды.
