Алматы облысы, Қонаев қаласының Мәдениет үйінде 2022 жылы 6 шілде күні сағат 10:00 де “Үкілі домбыра” республикалық жас күйшілер байқауы өтеді. Байқаудың мақсаты: Қазақ халқының ұлттық өнерін ұлықтап, мәдени дәстүрін насихаттау, күй жанрының дамуына серпін берумен қатар, жас домбырашылардың орындаушылық шеберлігін жетілдіру арқылы ұрпақтар сабақтастығын жалғастыру.
Жас домбырашылардың кәсіби өсуі үшін жаңа білім алуға және музыка саласында өзін-өзі жетілдіруге қажетті жағдай жасауға бағытталған «Үкілі домбыра» республикалық жас күйшілер байқауы ұйымдастырылады.
Байқауға әр облыстан және 3 қаладан ең үздік деген 16-35 жас аралығындағы 1 үміткер қатысады.
Қазылар алқасы қатысушылардың орындаушылық шеберлігіне, сахнада өзін-өзі ұстауына, киім үлгісіне баса назар аударып, бағалайды.
Жалпы, «Үкілі домбыра» республикалық жас күйшілер байқауы 2 кезеңнен тұрады.
І – II кезеңде: байқау ұйымдастырушыларымен бекітілген міндетті және қалауы бойынша күйлер ұсынылады. Қатысушылар орындаған күйлерінің тарихын баяндауы және сол күйді бүгінгі күнге дейін жеткізушілерді атап беруі міндеттеледі.
Байқауға қатысушыларға берілетін жүлде қорлары:
Бас жүлде — 400 000 теңге
I орын — 300 000 теңге
II орын — 200 000 теңге
III орын — 100 000 теңге
Ынталандыру — тұрмыстық техника ( 40 000 теңге көлемінде).
Ұйымдастырушы: «Алматы облысының ішкі саясат басқармасы» ММ, «Рухани жаңғыру орталығы» КММ.
Байқауға республиканың 17 облыс 3 қаласынан келген қатысушылар, кәсіби мамандар, елімізге танымал тұлғалар, ғалымдар, БАҚ өкілдері қатысады.
