Шағын аудандағы жолдардың тозығы, жетіп, бала ойнайтын алаңдар істен шыққан. Бұл аздай көше шамдары да жоқ. Түн қараңғысы жүрген тұрғын иманын үйіріп әлек. Әбігерге түскен халық жергілікті билікке базынасын айтқалы отыр.
«Тоқсаныншы жылдарда қалып қойғандай күн кешеміз. Отыз жылда ешқандай өзгеріс жоқ. Пешеходпен тоже проблема. Өте алмайсың. Қанша орын тұр. Бір дұрыс балаларға арналған ойын алаңы жоқ. Аулада емес, жақын маңдағы «Жастар» саябағына барып серуендеуге тырысамыз», – деді қала тұрғыны Айхан Жанбағатова
«Ұлан» ықшам ауданындағы үйлерде бұрын әскери қызметкерлер ғана тұратын. Сол себепті ондағы нысандар қорғаныс министрлігінің меншігінде болған. Кейіннен пәтерлер жекешеленіп, сатылған соң қарапайым қала тұрғындары қоныстанды. Қазір олар қай құрылымға қарайтынын және қайда барып шағымданарын білмей дал.
