Тұрғындар төтенше жағдайға тау болып үйілген қалдықтардың дер кезінде шығарылмауы себеп дейді. Кәсіпорын қазір тұрмыстық қалдықтарды төгуге пайдаланылмайды. Алайда аптап ыстықтан болса керек, өрт 300 шаршы метрді шарпыды.
Төтеншеліктердің айтуы бойынша, өрт кеше кешкі сегіз жарым шамасында Текелі қаласының маңындағы қоқыс жинау алаңында басталған.
«Өртті сөндіруге Алматы облысы төтенше жағдайлар департаментінің бес қызметкері мен екі техникасы, жергілікті атқарушы органнан төтр адам мен екі су тасушы көлік жұмылдырылды», – деді Алматы облысы төтенше жағдайлар департаментінің ресми өкілі Азамат Жұртбаев.
Жылдар бойы жиналған тұрмыстық қалдықтардың тереңдігі 2 метрге дейін кеткен. Полигонның жалпы аумағы 1 гектар 20 сотықты құрайды. Қазіргі таңда жабық қоқыс алаңында өрттің нақты неден шыққанын мамандар анықтап жатыр.
