«Ауыл» партиясының өкілдері алдымен Орал іргесіндегі құс фабрикасына бас сұқты. Кәсіпорында 200-ден астам адам жұмыс істейді. Жылына 8,5 мың тонна өнім өндіреді.
Саяси бірлестік мүшелері Жәңгір хан атындағы Батыс Қазақстан аграрлық-техникалық университет ұжымымен де жүздесті. Сайлауалды үгіт-насихат жұмыстарын жүргізді.
«Қаланың өзінде тұрған осы кәсіпорын талай ауылдардағы шикізат орындарын ашуға сеп болады. Осыны түсінуіміз керек. Екіншіден, аграрлық университет ұжымымен кездестік. Жұмыс табу қазір өте қиын. Мысалы қалаға келген жастар жұмыс таба алмайды. Ауылға барайын десе, мүмкіндік жоқ. Не істеу керек?!», − деді «Ауыл» партиясы төрағасының орынбасары Анас Баққожаев.
Айта кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада президент сайлауы өтеді.
