Алматы облысының мәдениет, архивтер және құжаттама басқармасының бастамасымен Еңбекшіқазақ ауданы, Қаракемер ауылдық Мәдениет үйінде еліміздің рухани мәдени өркендеуіне үлес қосқан, еңбегі мен шығармашылығы үшін «Ел ардақтысы», «Мәдениет майталманы» медалімен марапатталған Тоқтасын Әбілезов атындағы жыр-терме мектебі ашылды. Шараға облыстық республикалық жыршы-термешілер конкурсының лауреаты, ҚР мәдениет қайраткері Ибраев Балтабай, жыршы Сүйіндік Серік Айтбайұлы және Еңбекшіқазақ ауданы ардагерлері, Мәдениет үйінің қызметкерлері, мектеп ұстаздары мен оқушылар қатысты.
Шарада ұлттық өнер дәріптелді. Облыстық мәдениет саласы мамандары бұл шараның әлі де игі жалғасын табатынын айтады.
