Оған карьердің шаңы мен шуынан шаршаған тұрғындардың өтініштері себеп болған. Санитарлық-эпидемиологиялық бақылау қызметкерлерінің айтуынша, олардың карьерді жабуға құқы жоқ.
«Гүрілді күндіз ғана емес, түнде де естиміз. Жазда ұйықтау мүлдем мүмкін емес, өйткені бәрінің терезелері ашық. Аптап ыстықта терезелерді кешкі мезгілде ашып желдетіп алу керек, онымен бірге карьерден шыққан шаң үйге кіреді. Терезені күнде тазалаймын. Кешкі самал жел басталғанда тыныс алу мүлде мүмкін болмайды. Бұл әсіресе кішкентай, сәбилері барларға қиын. Олардың кейбіреулерінде осыдан кейін шаңға аллергия пайда болды. Біздің билік түрік мердігерінің заңбұзушылықтарына көз жұмып, тұрғындардың өтінішіне мән бермейтін сияқты», — дейді жергілікті тұрғын Айнұр Г.
«Халыққа ешқандай да пайдасы жоқ. Тек қана үлкен-үлкен машиналармен тас жолдарды бұзу, шаңдату. Ең соңында халық демалуға мүмкіндік болмай кетті. Көк ала, көк шаң, анау жүк машиналары жарысқан кезде бір-бірімен ауыл көрінбейді. Бір айтамыз, екі айтамыз ескертіп, халық кішкене көтерілгенде су сеуіп бастайды сосын қайтадан қалады», — дейді жергілікті тұрғын Лариса М.
Ауыл тұрғындарын тек денсаулығының нашарлауы ғана емес, қатты бүлініп жатқан экология да алаңдатады. Карьерге жақын орналасқан Жетісу саяжайының тұрғындары Президентке хат жолдамақ ниетте.
Қазіргі уақытта Алматы облысының табиғатты қорғау прокуратурасы бұл факті бойынша жұмыс істеп жатқанын хабарлады.
