Олардың айтуынша, жарық күніне бірнеше рет өшеді екен. Оған қоса су да тоқтап қалады, интернет жылдамдығы баяулайды. Кеше саяжайдағы трансформатор өртеніп кеткенде тұрғындардың шыдамы таусылып, шу шығаруға тура келген. Апаттық жағдайдың салдарынан кей тұрғындардың тұрмыстық техникалары күйіп кеткен.
«Бұл проблемамен 3-4 жыл бойы күресіп келеміз. Жарықтың 1 кВт-на 28 тг төлейміз. Ақшаның қайда кетіп жатқаны белгісіз. Қаланың балансына өтіп алсақ, жақсы болатын еді. Жеке меншік компаниядан түк пайда жоқ», — дейді тұрғындар.
Ал пәтер иелері кооперативі төрағасының айтқанына сүйенсек, керісінше, тұрғындар қосымша жылытқыш құрылғыларын қосқаннан трансформатордың күші жетпей, жарық өшеді.
«Қарызын төлемей жүрген тұрғындар да бар. 24,5 теңгені қалалық «Энергосбыт» компаниясына өткіземіз, қалған ақшаны жұмысшыларға төлеп отырмын. Кешегі жағдайды түнгі 3-4-ке дейін жасадық, таңды күтіп отыруыма да болатын еді», — деді кооператив төрағасы Мұратбек Башиев.
Қонаев қаласы тұрғын үй-коммуналдық шаруашылығының басшысы Дархан Қарағонысов болса қазіргі таңда жобалық-сметалық құжат дайындалып жатқанын, желтоқсанның аяғына дейін бұл саяжайдағы қосалқы электр стансасының қала балансына өтетінін айтты.
Посмотреть эту публикацию в Instagram
