Алматы облысы полиция департаментінің баспасөз қызметінен хабарлағандай, 29 маусымда көшедегі бейнебақылау камерасы қалалық драма театрында серуен өткізген жастар тобын тіркеді.
«Үш ер адам мен бойжеткен алаңға автокөлікпен жетіп, алкогольдік ішімдіктерді ішкен. Олардың екеуі жақын маңдағы көгалда тұрған ағаштардың біріне дәрет сындырған», — деп хабарлады департамент.
Хабарламада айтылғандай, патрульдік топ тәртіп бұзушыларды ұстап алып, Талдықорған полициясына жеткізген. Полицияның мәліметінше, жалпы 6 әкімшілік хаттама рәсімделген.
«Яғни, барлық қатысушылар ҚР ӘҚБтК-нің 440-бабы 1-бөлігі бойынша қоғамдық орындарда алкогольдік ішімдіктер ішкені үшін жауапкершілікке тартылды. Сондай-ақ олардың екеуіне қатысты ҚР ӘҚБтК-нің 434-2-бабы 1-бөлігі бойынша жалпы пайдалану орындарын ластауды көздейтін хаттамалар қосымша жасалды. Әкімшілік заңнамаға сәйкес, құқық бұзушылар ірі айыппұл төлеуге міндетті», — деп толықтырды полиция.
