Салтанат Тұрсынбекова Ішкі істер министрлігіне сілтеме жасай отырып, бірнеше цифрларды атады.
2021 жылы Қылмыстық кодекстің 139-бабы бойынша алимент төлемегені үшін 300-ден астам борышкер қылмыстық жауапкершілікке тартылды, олардың жартысына бас бостандығын шектеу не айыруға қатысты нақты мерзімдер белгіленді. Ал 6 мыңнан астам борышкер әкімшілік жауапкершілікке тартылды. Бұл ретте қарыздың жалпы сомасы жүздеген миллиард теңгені құраса, сот орындаушыларының атқаруында жүздеген мың іс жатыр.
Бұған дейін Салтанат Тұрсынбекова сайлауалды үгіт-насихат жұмыстарымен Қарағанды, Ақмола, Түркістан облыстарында, Астана, Шымкент және Алматы қалаларында халықтың түрлі топтарымен кездесу өткізгенін хабарлаған едік.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал 20 қарашада президент сайлауы өтеді.
