Кандидат сайлауалды бағдарламасын түсіндіріп, сұрақтарға жауап берді. Тараптар мұғалім мәртебесі, кәсіподақ міндеті, сыртқы саясат, экономика тақырыптарында пікір алмасты.
«Көп мәселе. Оның бәрін түгел жазып алдым. Мен өзім педагог болғаннан кейін білемін, түсінемін. Кәсіподақ бар. Кәсіподақпен бірге жұмыс істеу керек. Жұмыс берушілер бірігу керек. Әлеуметтік әріптестік деген осы, міне. Екеуі бірігіп, ортаға мәселені қойып, талқылап, шешім қабылдаса кез келген мәселені шешуге болады», – деді президенттікке кандидат Мейрам Қажыкен.
Жиын соңында кандидатқа мұнайшылар атынан каска табыс етілді. Айта кетейік, бұл осымен тоғызыншы сенім каскасы.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада Президент сайлауы өтеді.
