Шаруа қожалығына ат басын бұрып, жетістіктерін көрді. Қожалық қазір түйе, жылқы, ірі қара бағып отыр. Сүт өнімдері балабақшаларға жөнелтіледі. Ет, нан өнімдері де шығарылады. Кәсіпкер 25 адамды тұрақты жұмыспен қамтып отыр. Айта кету керек, Арал ауданында 80-нен аса шаруа қожалығы бар.
«Қазір енді көп жігіттер жоңышқа, дәнді дақыл егумен айналысып жатыр. Халық көкөніс өнімдерін өсіруде. Кім жұмыс істеймін дейді, оған жұмыс табылады. Жалқауларға еш уақытта жұмыс табылмайды. Еңбек істейтін адамға жұмыс бар», – деді шаруа қожалығының басшысы Зияғаладин Өтенов.
Кандидат өзінің сайлауалды бағдарламасымен таныстырып, алдағы саяси науқан туралы ой-пікірімен бөлісті. Тұрғындар сауалына жауап берді.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал 20 қарашада президент сайлауы өтеді.
