Кездесуге адвокаттар, нотариустар мен заңгерлер барды. Негізгі көтерілген мәселелер – адам құқықтарын қорғауда пайда болатын бірқатар кедергі.
«Адвокатура, нотариат, прокуратура өкілдерімен бір қызықты сұхбат өтті. Бұл сұхбатта әр саладағы жаңағы институттардың, адамның құқығын қорғайтын институттардың өкілдері өздерінің саласындағы проблемаларды айтып, сол проблемалардың шешілмеуі адамдардың құқықтарын толыққанды сапалы қорғауға мүмкіншілік бермейтінін сілтеді», – деп бөлісті президенттікке кандидат Салтанат Тұрсынбекова.
Жиында кандидат сайлауалды бағдарламасын таныстырып, сұрақтарға жауап берді.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада Президент сайлауы өтеді.
