Қазақстан Президенті Қасым-Жомарт Тоқаев БҰҰ миссияларына қатысу үшін қазақстандық бітімгершілік контингентін Африка елдеріне жіберу туралы ұсынысқа бастамашылық жасады, деп хабарлады Қазақстанның Қорғаныс министрі Руслан Жақсылықов.
«Қазақстан Конституциясының 53-бабының 5-тармақшасына сәйкес БҰҰ-ның Орталық Африка Республикасындағы тұрақтандыру жөніндегі көпбейінді кешенді миссиясына, БҰҰ-ның Конго Демократиялық Республикасындағы тұрақтандыру жөніндегі миссиясына, БҰҰ-ның Малидегі тұрақтандыру жөніндегі көпбейінді кешенді миссиясына, БҰҰ-ның Ливандағы уақытша күштерінің миссиясына қатысу үшін 430 әскери қызметшіні Қарулы Күштердің бітімгершілік контингентіне жіберу туралы ұсыныс енгіземін», — деді Руслан Жақсылықов бейсенбі күні Парламенттің бірлескен отырысында.
Бітімгерлерді жіберу кезең-кезеңімен жүзеге асырылады деп атап өтті министр.
