Бұған дейін полиция бір топ адамның (оның ішінде аудандық АХАЖ қызметкері бар) алдын ала сөз байласу арқылы баласыз отбасылар мен сәбиінен бас тартқысы келетін жүкті әйелдерді іздеумен, сондай-ақ балалардың туу туралы жалған куәліктерін жасаумен айналысқанын анықтаған.
«Мәмілелер сомасы 1 млн теңгеден 2 млн теңгеге дейінгі аралықта болған. Қолдан құжаттарды жасау және анықтама беру 700 мың теңгеге дейін жеткен. Бүгінгі таңда олардың жаңа туған балалар саудасына қатысты 6 фактіге қатысы бар екені анықталды. Баланы сатушылар мен сатып алушылар елдің түрлі қалаларында тұрған. Осы факті бойынша «кәмелетке толмағандардың саудасы» бабы бойынша сотқа дейінгі тергеу басталды. Бес күдікті ұсталды, барлығы қамауға алынды», — деді ҚР Ішкі істер министрлігінің ұйымдасқан қылмысқа қарсы күрес департаментінің бастығы Қанат Нұрмағамбетов онлайн-брифинг барысында.
