Алматы облысы әкімінің өңір тұрғындарымен кездесуінде білім беру және денсаулық сақтау салалары бойынша мәселелер талқыланды.
2021 жылдан бастап Қонаев қаласында құны 2,2 млрд теңге болатын 900 орындық мектептің құрылысы жүргізіліп жатыр. Биыл жоспарланған жұмыстарға 1,6 млрд теңге қаражат бөлінді. Нысан келесі жылы пайдалануға беріледі.
Бұл ретте педагог кадрларына қажеттілік атап өтілді. Облыс орталығында 26 мұғалім жетіспейді (оның ішінде математика – 9, орыс тілі – 8, бастауыш сынып – 5, ағылшын тілі – 3, қазақ тілі – 1).
Қонаев пен жақын маңдағы елді мекендерде 8 медициналық мекеме халыққа қызмет көрсетіп келеді. Жыл соңына дейін Кербұлақ және Қосқұдық ауылдарындағы медпункттерге жалпы сомасы 100 млн теңге құрайтын блок-модульдік кешендер орнатылады.
Санитарлық автокөлікпен және медициналық жабдықтармен медмекемелердің 95,7%-ы жарақтандырылған.
