Ведомствоның мәліметінше, 1186 эвакуация орталығында 1,03 миллион адам орналастырылған. 355,4 мыңнан астам адам үйлерінен алдын ала кетіп қалған. Кем дегенде 128 адам түрлі дене жарақатын алған, 35-і із-түзсіз жоғалып кеткен. Республиканың 13 өңірінде су тасқыны мен көшкіндерді қоса алғанда, апатқа байланысты 1,51 мың оқиға тіркелген.
Дауыл 22,4 мың үйге зақым келтіріп, 2,62 мың үйді жойған. 391 инфрақұрылымдық нысанға келтірілген залал 2,91 миллиард песоға (49,63 миллион доллар) бағаланып отыр. Апат салдарынан 504 жол мен 120 көпір бүлінген. 359 қалада электр қуатында ақаулар шыққан, бірақ 234 қалада ол қалпына келтірілді, 38 муниципалитетте байланыс жағынан, 11 қалада сумен жабдықтауда ақаулар бар.
666 оқу орнында сабақ және 233 кәсіпорында жұмыс тоқтатылды. 437 қала төтенше жағдайда. Ауыл шаруашылығына келтірілген шығын 2,74 миллиард песоға (46,79 миллион доллар) бағаланып отыр. Үкімет көмекке 149,9 миллион песо (2,55 миллион доллар) бөлді.
