Әкімдіктің мәліметінше, бірыңғай нөмір арқылы 20 қарашада өтетін Қазақстан Республикасы Президентінің кезектен тыс сайлауында дауыс беруге арналған сайлау учаскесінің мекенжайы мен нөмірін тексеруге болады.
«Бірыңғай нөмір барлық ұялы байланыс операторларының абоненттері үшін қоңырау шалу тегін. Call-орталықтың жұмыс уақыты – демалыс күндерін қоса алғанда, күн сайын сағат 8:00-ден кешкі 20:00-ге дейін», — делінген хабарламада.
Сондай-ақ әкімдікте Алматы қаласы әкімдігінің «Open Almaty» қоғамдық қабылдауының сайты мен білім басқармасының мемлекеттік қызметтер порталында сайлаушылар тізімінде өзін тексеруге мүмкіндік беретін сервис қолжетімді екенін хабарлады.
Осыған ұқсас қызмет Telegram Bot арқылы да іске қосылды.
