Оқиға 22 қазанда сағат таңғы алтыда болған. Төтенше жағдайлар қызметінің жедел нөмеріне газ-ауа қоспасының лап етуі орын алғаны туралы хабарлама түскен. Нәтижесінде 50 шаршы метр алаңда қабырға мен төбе опырылып, үй ішіндегі дүние өртеніп кетті.
Оқиға салдарынан 1982 жылы туған күзетшінің қолы мен беті күйіп қалды (алдын ала 10-12%), жағдайы тұрақты.
Оқиға орнында ТЖД мамандары, Талдықорған қаласы Полиция басқармасы, сондай-ақ «ҚазТрансГаз Аймақ» газ қызметінің мамандары газдың ағып кету себебін анықтап жатыр.
