«Хабарламаны алғаннан кейін біз мекенжайға келдік. Үйдің жуынатын бөлмесінен ұзындығы 20-25 сантиметр болатын жыланды таптық. Оның қайдан пайда болғанын анықтаймыз. Біреудің асырап отырған жыланы болуы да мүмкін. Олай болған жағдайда иесін іздейміз», – деді учаскелік полицей Асқар Ментаев.
Кейін оның кәдімгі су жыланы екені анықталған. Полицейлер жыланды қаладан алып шығып, далаға жіберді. Күз айларында сужыландар әртүрлі шұңқырлар мен саңылауларға кіріп қыстайды.
