Мемлекет басшысының тапсырмасы бойынша үкімет облыс әкімдігімен бірлесіп Талдықорғанда шетелдік ірі технологиялық университеттің филиалын құру мәселесін пысықтап жатыр.
«Өңірдің ерекшелігін ескере отырып, университет ауыл шаруашылығы, өнеркәсіп, туризм және цифрлық технологиялар саласы бойынша мамандар дайындайды», — деді Қасым-Жомарт Тоқаев.
Президенттің айтуынша, бұл өңірден жастардың кетуін азайтып, жергілікті экономиканы жоғары білікті кадрлармен қамтамасыз етуге мүмкіндік береді.
